موقف من حياتى ... 1

زوار مدونتى الكرام فى البداية لم احبب الكلام عن نفسي فى المدونتة لك هذا الموقف لهو اثر
كبير فى حياتى و لا استطيع نسيانة ابداً فأرجوا الا تملوا من كلامى
فى يوم من الأيام و انا ذاهبة إلى المدرسة و طبعاً ماشية على مهلى انا وصحباتى
وصلنا لموقف العربيات متأخر و للأسف مكنش فية عربية بتيجى و الناس كنت
زحمة جداً و كل ما عربية تيجى الناس تهجم عليها و ما نركبش احنا لحد ما اصبح
الساعة الواحدة إلا ربع و بما أننا فترة الظهر فالتأخير بيكون صعب و فى النهاية ركبنا
أتوبيس لعنا نصل قبل السعة الواحة قبل صعود الطابور و لحسن الحظ كل شوية الاتوبيس
يوقف لينزل احد الركاب لحد قبل المدرسة بمسافة قصيرة فنزلنا من الأتوبيس و كملناها مشى
و كان فى بنات بتتأخر كتير بسبب الدروس الى قبل المدرسة و كانوا بيفتشوا البنات الى
بتيجى متأخر و لكن انا لما عرفت كدة اخذتنى الجلالة و قلت :أنا مش حتفتش ابداً حتى لو
طردونى من المدرسة وحمشى و مش ححضر الأمتحان ( كان فى هذا اليوم امتحان شهر )
و كان لمادتين فكنت اخدة معايا حوالى 3 مذكرات مرة وحدة كل البنات كتيرها 2 وأنا جيبة
3 ما علينا طبعاً وصلنا متاخر بعد الطابور و دخلنا من بوابة المدرسين و علشان اصحابى
بيعزونى اووووووى دخلونى الاول فى وش المدفع يعنى وإذا بالاستاذ بيقولى استنى هنة انتى
ريحة فين فحبيت اتراجع فى هدوء و اخرج بكرمتى خالص من المدرسة فجأة قال
لو خرجتى مش حتدخلى المدرسة النهاردة للأمتحان فأنتظرت و جائت الناظرة
دخلتنا المكتب كلنا و طبعاً السؤال المشهود اتأخرتوا لية ان شاء الله ولكنها لم تقبل اى اسباب
عن التأخير و قالت اننا كنا فى درس مش حجة العربيات زى ما بنقول
و لحسن حظى انى دائماً فى المقدمة وفى لحظة بعد المجادلة حل صمت لمدة دقيقتين ثم
نظرت إلى الناظرة و قالت :..........

نكمل البوست القادم ان شاء الله انتظروا المفاجأة الكبرى

32 التعليقات:

مدونه ما كفايه بقى يقول...

يعنى كان لازم تتأخرى يعنى؟هههههههههه
معلش

احنا شوفنا اكتر من كده والله

اللى يعيش ياما يشوف

امال لما تدخلى الكليه هتعملى ايه

بس كملى الحكايه بسرعه بقى

شوقتينى

تحياتى لكى حبيبه قلبى

MR.PRESIDENT يقول...

ههههههه
ماشي علي التشويق
-----------
عموما انا حصل لي موقف زي كدا امي صحتني 5 وربع صباحا الحق انت اتأخرت علي الدرس وأنا جري ودخلت الدرس وانا بجري اذا افاجاً الفترة بتاع الساعة 5 الفجر المشكلة انهم كلهم كانوا بنات والكل قعد يضحك علي حمقي
----------
منتظرين البوست الجاي
يلا بسرعة بقي

سبايدرمان يقول...

هههههههههههه
انا مش بحب افضل اقرا و اجي في النص و حد يقولي نكمل بكره
ههههههههههه
طب مش هقرا بكره بقي
ههههههههههههههههه

ســــــــــــــاره يقول...

بالراحه يا جماعه عليها
لازم كده عشان تعملكوا تشويق
هستني بقيت الموقف منك ان شاء الله

مجنون كتابة يقول...
أزال المؤلف هذا التعليق.
مجنون كتابة يقول...

الموقف ده حصل مع واحد صحبي بس محدش عمله حاجه دخل وحل واعد الوقت الي كان متاخره كمان.

مستر بلال يقول...

اوووووه
ليه اللعب بالاعصاب !!
والله نفسي اعرف ايش قالت ؟!!
عموما متابع لك اختي ..

أبو مجاهد الرنتيسي يقول...

بسم الله وبع
لا أريد التعليق الآن حتى نكمل باقي القصة
أنا أحب هذه الحركات كثيرا ( عنصر التشويق ) ولكن أخاف أن تكون هذه القصة من 30 حلقة وقتها ... نكمل في التعليق القادم
تحياتي لك
أخوك في الله / أبو مجاهد الرنتيسي

sun of free dom يقول...

لا كويس انك كنتى بتروحى المدرسة
انا من كتر تعامل المدرسين اللى مش عايزة اوصفة
كرهتها

بس لازم تعملى البوست بسرعة قالت ايه>>>>

زهرة(جنى)الاسلام يقول...

السلام عليكم
هههههههههه
الموقف دة حصل معايا
بس كنت لبيسة مخالف
بس الناظرة كانت قريبتى
ضربتنى بالقلم
يعنى تحمدى ربنا

مرايتى يقول...

فى إنتظار باقى الحكايه

بس علشان تتعلمى طالما فى الحكايه مواصلات يبقى لازم تخرجى قبليها بساعتين تلاته أنتى فى مصر يا حبيبتى
وياما المواصلات عملت فينا مواقف أيام الجامعه وتعب الأعصاب خصوصا أيام الإمتحانات

فضفضه يقول...

منتظرين التكمله
تقبلى مرورى

(ست* جنى* الحسن) يقول...

سلامو عليكو..
معلش يا قمر كلنا حصل معانا كده زمان
نحن السابقون
وانتم اللاحقون
انى احبك فى الله

محمود(باحث عن حب) يقول...

السلام عليكم
موضوع المواصلات للبنات
صعبه قوى قوى
وانا بشوف الكلام ده وبأحزن قوى قوى
بناتنا بتتبهدل فى المواصلات خالص خالص وخصوصا الاتوبيسات
ربنا يرحمنا
موضوع التفتيش والكلام ده موضوع رخم وتعقيدات وكأننا داخلين المتحف المصرى
ربنا يكون فى عونك
مدونه جميله اخيتى
بارك الله لكى

دودي فلسطين يقول...

يا شيخه حرام عليكي
اكره ما علي استنى شو يا سلسبيل
انتي ناويه تعملى اجزاء زي هاري بوتر

هههههههههه مغامرات سلسبيل الان في الاسواق
انا عندي فضول اعرف

سلسبيل يقول...

مدونة ما كفاية بقى ....

هههههههههه طبعاً لازم امال اعلقكم ازاى
لالالالا انا مش زعلانة خالص بالعكس
دى موقف جميل جداً

تحياتى لك ايضأ حبيبتى

سلسبيل يقول...

MR.PRESIDENT....

هههههه ما اتعلمنا من حضرتك بقى
فى ان تكون مندوب مبيعات 1.2.3
ههههههههههه موقف جميل بس محرج
ان شاء الله سريعاً

تحياتى لك

سلسبيل يقول...

سبايدرمان ....

ههههههههههههه
حضرتك شرفت و الله
معلش بقى وان شاء الله بسرعة مش حتأخر
ذى ما كنت ناوية

تحياتى لك

سلسبيل يقول...

سارة...
هههههههههه
شفتى يا سارة كلهم عليا
ان شاء الله حبيبتى
بس انتى بجد نورتى

تحياتى لك

سلسبيل يقول...

مجنون كتابة ...

دى كان امتحان شهر و انا كان
ممكن ما احضرش دى بيحصل
فى الايام العادية

تحياتى لك

سلسبيل يقول...

مستر بلال.....

ههههههههههههههه سررت جداً بمرور حضرتك
بس لازم طبعاً نلعب بالأعصاب
علشان نعلقكم بقى

تحياتى لك

سلسبيل يقول...

أبو مجاهد الرنتيسى ....

هههههههههه
لالالا مش للدرجادى
عموماً حضرتك نورت المدونة بجد

تحياتى لك

سلسبيل يقول...

SUN OF FREE DOM.....

هههههههههه
ما انا مكنتش بروح بس دى كان امتحان شهر
وكنت خايفة على اعمال السنة مترة يعنى
ان شاء الله ننشرة بسرعة

تحياتى لك

سلسبيل يقول...

زهرةالأسلام....

طبعاً شمتانة فيا
ههههههه ماشى
ربنا يسترها معانا بقى

تحياتى لك حبيبتى

سلسبيل يقول...

مرايتى ....

طبعاً انتى حتقولى
انا دئماً بتأخر وبوصل على الطابور
بس المرة دى جات كدة بقى ربنا يسترها
بقى معانا

تسلمى حبيبتى

سلسبيل يقول...

ست الحسن ...

هههههههههههه
و انا كمان بحب حضرتك جداً

تحياتى لك

سلسبيل يقول...

محمود ( باحث عن الحب )....

بجد حاجة تتعب المواصلات دى
ههههههه فعلاً حاجة رخمة جداً
اللهم اااامين يكرمنا جميعاً
دى بس من ذوق حضرتك
اشكرك على مرورك العطر

تحياتى لك

سلسبيل يقول...

دودى فلسطين ....

هههههههههههه معلش بقى يا حبيبتى
مرة من نفسى اعلقكم رغم انى
مش بحب حد يعلقنى ابداً حتى المسلسلات
مش بحبها علشان كدةأن شاء الله ننشرة بسرعة

تحياتى لك حبيبتى

اقصوصه يقول...

ايام المدرسه اجمل ايام العمر

وذكريات الطفوله لا تنسى :)

سلسبيل يقول...

ههههههههه
فعلاً ذكريا جميلة ويارب تكون
الى بعدها اجمل
شكراً لتعليقك العطر

الحب الجميل يقول...

نورتينى سلسبيل فى المدونه
ودوام التواصل ان شاء الله
واسمحى لى بأضافه مدونتك عندى فى التحديث

مدونه جميله

اشكرك
دمتى فى حفظ الرحمن

سلسبيل يقول...

الحب الجميل ...

سررت بمرورك الراااائع

تحياتى لك

إرسال تعليق