موقف من حياتى .....2




أكيد انتم تخيلتوا الموقف معايا و متوقعين اية الى ممكن يحصل المهم
قالت الناظرة ليا انت يا بنت افتحيى شنطتك وورينى هى فيها اية
موقف مفزع و كان الجميع منتظر منى موقف شجاعة برفض انى اتفتش
و بعدين دى مدرسة ثانوى مش جامعة علشان نتفتش كدة على رأى (....) احنا مش فى ابو غريب
علشان نتفتش كدة المهم اتريت اديها الشنطة بكل استسلام
حظى كدة اخذت الشنطة و خرجت ال3 مذكرات و اخدت من اتنين كمان
و كمان وحدة من صحباتى بالعلم ان كان فى وحدة معاها مذكرات و التانية
لا و الناظرة اخدت من الى مش معاها و فجأة دخلت ابلة تانية و قالت الناظرة
خديهم و اكتبى اسمأهم علشان نشوف حنعمل فيهم اية و انا كسرت صمتى
و قلت ؟؟؟؟؟؟ يا حضرة الناظرة انتى ما فتشتيش الكل و فى بنات معاها مذكرات
ههههههههههههههههههههههه عرفة انوا موقف ندالة منى على صحبتى الى معاها مذكرات
بس اعمل اية بس أنا كنت فى موقف لا أحسد علية فضحكت الناظرة
و بعدين رحنا مع الأبلة فى بنات هربت و احنا كتبنا اسمأنا و قالت الأبلة
اتفضلوا فقلنا يا أبلة و المذكرات قالت تعالوا فى الفسحة و خدوها فمشينا كل وحدة على
فصلها و طبعاً كانت الحصة الأولى خلاص فاضل فيها 5 دقائق و تخلص و انا دخلة الفصل
بخبط على الباب الأبلة : نعم
قلت: أانا فى الفصل يا ابلة
الأبلة : و متأخرة لية الحصة خلصت
قلت : يا ابلة انا هنا من بدري بس الناظرة هى الى وقفتنا
قالت: دى مش حجة اتفضلى استنى برة لحد الحصة ما تخلص
و استنيت وبعد انتهاء الحصة دخلت الفصل و فى الفسحة
رحنا للأبلة بتاعت الأسامى قالت روحوا انتم للناظرة انا مالى رحنا كان
المدير هناك فى المكتب و قال عوزين اية دول قالت المذكرات بتعتهم فإذا به ثار فى وجهنا
مذكرات أية يلا يا بنت انتى و هي روحى على فصلك المذكرات دى حتروح
للوزارة و نعمل شكاوى فى المدرسين دول فذهبنا الى فصولنا
و فى المرواح قلنا للناظرة احنا عوزين المذكرات
قالت: انا خلاص قفلت المكتب تعالوا بكرة
و للاسف انا غبت تانى يوم بس صحبتى راااااحت و بردة كانت بتجادل
معاها و ما اخدتش المذكرات و بعد جدال و ترددنا على المكتب
كل شوية و فى النهاية اخذنا المذكرات بعد كام يوم
الحمد لله ان الموضوع جة لحد كدة




و انتهى الموضوع على كدة و توبة ما بعدها النوبة اتأخر تانى على المدرسة

عالم ستروبرى ارجوا الزيارة و شكراً



18 التعليقات:

MR.PRESIDENT يقول...

احنا عندنا الدروس كنا بناخدها في مواعيد المدرسة ..
يعني الدرس مثلا تلاقيه الساعة 10 الصبح والمدرسة من 8 إلي ثلث
كانت أيام ..
ربك اللي يعلم بيها ..
بس أفضل ما فيها ذكريات .
ربنا يوفقك ...

sun of free dom يقول...

لا والغريبة ان المدرسين دول زات نفسهم بيدوا دروس
ومزكرات بالهبل
والوقت طبيعى بيضيع فى المدرسة
بس محدش مقدر
بس بجد ايه الشدة دى تحقيق
ووزارة نكد والله
ربنا يرحمنا من المدارس دى

قلــ"بـــلال"ــــــب فارس يقول...

والله فعلا المدرسين دول زى الديوك فى بعض

(ست* جنى* الحسن) يقول...

سلامو عليكو..
يعنى المشكلة اتحولت بقدرت قادر من التأخير للمذكرات؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ربنا يرحمنا
لك تحياتى

OTOUMANAR يقول...

شكرا لك مواقف طريفة وجميلة تقبلي مروري

سبايدرمان يقول...

هما شكلهم كانوا بقروا المذكرات ^_^
و هيكان فيها ايه بقي المذكرات دي
^_^

.....

و كويس زي ما قتلي انك تتأخري على المدرسه
اعملي زي
لما كنت في ثانوي (( ثانوي بس )) كنت بروح كل يوم في معادي و بدري كمان و ادخل الفصل و امسح السبوره بايدي و اخرج اغسيل ايدي في دوره المياه ومرجعش خالص الا بعد لما الحصه تخلص ^___^ كانت ايام الثانويه العامه دي احلي ايام ^__^

سلسبيل يقول...

MR.PRESIDENT....

هههههههه
اللهم ااامين
و يارب تكون ذكريات حلوى
بس غريبة ازاى الدروس وقت المدرسة

تحياتى لك

سلسبيل يقول...

SUN OF FREE DOM.....

و الله انتى عندك حق هما
المدرسين الى بيدوا فى المدارس
هما الى بيدوا فى الدروس بس
تقولى لمين بقى منهم لله
اشكرك حبيتبى على التعليق

تحياتى لك

سلسبيل يقول...

قلب فارس ....

ههههه و الله فعلاً
تسلم على المرور العطر

تحياتى لك

سلسبيل يقول...

(ست*جنى*الحسن).....

و عليكم السلام
فعلاً الموضوع اتقلب من تأخير
للمذكرات ربنا يعدى الأيام دى
على خير يا رب و تبقى ذكريات بقى

تحياتى لك

سلسبيل يقول...

OTOUMANAR.....

تسلم على المرور

تحياتى لك

سلسبيل يقول...

سبايدرمان....

هههههه اة فعلاً شكلهم كانوا
بقروها بجد
منك نستفيد يا معلمنا
تسلم على الموقف الجميل
هههههههههههه
بس لية التعب دى
طابور و مسح صبورة و فى النهاية تمشى
طاب لية من الأول غاوى تعب
يارب تعدى بقى و تبقى ذكريا حلوى

تحياتى لك على التعليق الجميل

ستروبرى يقول...

سلسبيل حبيبتى
شكراً شكراً على المدونتة
و يارب يخليكى ليا يا رب و
يحرمنى منك ابداً ولا يحرمك منى

سلسبيل يقول...

ماشى يا نودى
و يخليكى ليا انا كمان
اتجدعنى بقى وورينى همتك
اما نشوف اخرتها معاكى

sony2000 يقول...

ربنا معاكو
وشدو حيلكو وتخلصو ذيي كدا
انا خلصت من كام يوم التعليم المصري كلوووووووووووووووووووووووووو
يلا علشان تحصلوني:)

سلسبيل يقول...

يا بخت حضرتك
يا رب بقى نخلص على سلام

تحياتى لك

دودي فلسطين يقول...

متاسفه على التاخير

والله المدرسين هم بنفسهم انذال
وبذلو الطالب كانو مش بنى ادم

وين ايامك زمان
منيح ما اجت للضرب

سلسبيل يقول...

دودى حبيبتى ...

المشكلة انهم هما كمان بيدوا دروس
و بيعملوا مذكرات يعنى لما رحت اجيب
الشهاد لقيت المدير و اقف و بيقول
انا حعمل مجموعة لسنه تانية عربى
ربنا يرحمنا

تحياتى لك حبيبتى

إرسال تعليق